As xornadas 'Nós e o mundo. O mundo e nós' afondarán no contexto histórico da emblemática revista

O luns 30 estará centrado no vínculo entre Celtismo, Irlanda e Galicia a través das conferencias de Margarita Estévez Saá, Margarita Santos Zas e Manuela Palacios González. A sesión estará moderada por Daniel Durán Chapela. O martes 1 será a quenda das materias filolóxicas e lingüísticas baixo a moderación de Iago González García. José Luís Forneiro, Inmaculada Mas Álvarez e Henrique Monteagudo serán os relatores que integrarán a sesión. Finalmente, o día 2, César Domínguez e Carlos Quiroga analizarán a revista en relación con outros sistemas literarios, actuando como moderador Xosé Xohán Rodríguez Rodríguez. Todas as sesións comezarán ás 19.00 horas e poderán seguirse en liña.