'O AXOLOTE e outros contos de bestas e auga', de Lara Dopazo Ruibal, Premio Illa Nova de Narrativa 2020

Reitera o agradecemento a Galaxia pola oportunidade de ser patrocinador deste premio desde a primeira edición, hai xa 4 anos, un patrocinio que xa está consolidado. Finaliza a intervención recomendando o libro como o complemento perfecto para o agasallo de Nadal.

Francisco Castro, director xeral de Galaxia, comeza a súa intervención co agradecemento a Ámbito Cultural El Corte Inglés, “sen El Corte Inglés nos non poderíamos soster durante catro anos un premio que xa é un clásico no sistema literario galego”, da a noraboa a Lara por formar parte dos gañadores do premio, e lembra que o Premio nace inspirado na colección mítica, co mesmo nome, que fundou Xaime Isla, un dos fundadores de Galaxia, na década dos 60, para dar voz a escritores novos, como: Carlos Casares, Méndez Ferrín, María Xosé Queizán, escritores que a día de hoxe contan con gran recoñecemento. O premio Illa Nova nace no año 2017 coa chegada de Francisco Castro a dirección de Galaxia, coa mesma pretensión, “a de crear canteira”, “e que ten una singularidade especial, para poder optar o premio, hai que ter menos de 35 anos o día do fallo do Xurado”. Sobre o libro gañador esta cuarta edición, Francisco resalta que é a primeira vez que o gaña o premio un libro de relatos, nas edicións anteriores foron novelas, e resalta as boas críticas que está a recibir, destacando a calidade da autora para fabular o sobrenatural. Remata a súa intervención recomendando tamén os libros como agasallos de Nadal e destacando a importancia da Cultura sempre, pero sobre todo en este tempo de pandemia que nos permite liberar la mente, e reiterando a noraboa a autora polo libro.

Lara Dopazo, gañadora do premio, abre a súa intervención explicando que o libro confórmano “13 contos que teñen en común: o sobrenatural, a presenza de besta e auga e un punto desacougante con finais abertos”. Sobre o premio, Lara cóntanos que este libro é a súa primeira publicación en narrativa, ata o de agora as súas publicación foron de poesía, e que para ela supón un gran respaldo, polo dobre aval que supón: por unha banda, o cambio de xénero e por outra, por ter detrás unha editorial como Galaxia. Remata reivindicando o conto como un xénero en si mesmo, “o conto é o xénero grande da tradición galega”.

SOBRE O LIBRO - PREMIO ILLA NOVA DE NARRATIVA 2020

Nestes relatos atoparás unha ducia de historias lostregantes que teñen como elemento común o sobrenatural. Contos que combinan o desacougo co humor, o improbable co imposible, o humano e mais o natural, todo superposto e fundido nunha colección de historias de prodixios e arrepíos.

A auga e os animais –tamén outras bestas– cobran protagonismo nestas páxinas. A autora logra dosificar a intriga e mostra un dominio da tensión para crear atmosferas envolventes e inquietantes. Cunha prosa suxerente e de grande altura estética, introdúcenos noutras épocas e latitudes con mestría e logra conmovernos en cada relato.

SOBRE A AUTORA

Lara Dopazo Ruibal (Marín, 1985) é licenciada en Xornalismo. Como autora publicou "Os lobos na casa de Esaú" (Chan da Pólvora, 2017), "claus e o alacrán" (Espiral Maior, 2018) e "ovella", poemario co que gañou o Certame Francisco Añón. É coautora e coeditora de "A través das marxes: Entrelazando feminismos, ruralidades e comúns" (Bartlebooth, 2018). Foi artista residente na Real Academia de España en Roma no ano 2019. Adoita traballar no eido da comunicación. Con "O axolote e outros contos de bestas e auga" gaña o Premio Illa Nova de Narrativa 2020.