Entregados os premios da oitava edición do Concurso Literario Mazarelos

Entre os traballos presentados na modalidade científica, o primeiro premio recaeu en Sabela Blanco Penelas por Diario dunha abella anónima. O certame está impulsado pola Comisión de Normalización Lingüística da Facultade de Filoloxía en colaboración co Servizo de Normalización Lingüística da USC e o apoio da Secretaría Xeral de Política Lingüística da Xunta de Galicia.

O xurado desta edición do certame estivo composto por María Xesús Nogueira Pereira (que actuou como presidenta), Carlos Pérez Varela, Sabela Fernández Domínguez, Henrique Neira Pereira e Alba Cid Fernández, e por Ana Manuela de Azevedo Gomes, Daniel García Dios e María Villar López, en representación da asociación AgroMar, como comité asesor para a Modalidade de Temática Científica.

No acto de entrega de galardóns interviñeron o vicerreitor de Transformación Dixital e Innovación, Gumersindo Feijoo Costa; o decano de Filoloxía, Elias J. Feijó Torres; as vicedecanas Laurence Malingret e Alejandra Ulla Lorenzo; e o responsable do servizo de Normalización Lingüística da USC, Manuel Singala. A actuación dos artistas LaMontagne & PicoAmperio serviu de colofón ao acto.