Videoarte en Movemento (VEM) en NORMAL

Trátase dun comisariado de videoarte con perspectiva histórica e para que a súa asistencia ao aire libre, nunha noite de verán, sexa accesible e de interese para todos os públicos e idades. As proxeccións lévanse a cabo en contornas de pequena e mediana escala, sacando as obras do contexto expositivo tradicional co fin de levalas a espazos de proxección pública abertos.

“Todas as imaxes rexistradas, documentadas e posiblemente creadas imaxinativamente pola arte reflicten, traducen ou teñen como pano de fondo o resultado da intervención humana sobre a Terra. Esta idea vai moito máis alá da coñecida e preponderante axenda ambiental, que deplora as nosas actitudes de intrusión inconsecuente na natureza, para referirse a milenios de interposicións de todo tipo: nos pobos, nas xeografías, nas paisaxes, nos obxectos, nos ecosistemas, nas nacións, nas imaxes, nos corpos, na información, nos gobernos, nos sentimentos. Pertencemos a unha existencia marcada polas interferencias”, Alisson Ávila, Mario Gutiérrez Cru e António Câmara Manuel.

Esta iniciativa, producida pola Plataforma PROYECTOR e financiada pola Direção-Geral das Artes do Ministério da Cultura da República Portuguesa, terá a súa cita con nós o vindeiro 31 de xullo, ás 21:00 h no aparcadoiro de Normal-Espazo de Intervención Cultural UDC, co apoio da Deputación da Coruña.

As pezas que se proxectarán son:

Pegasus Dance de Fernando Sanchez
Recitative de Shir Handelsman
Semiotics of the Home de Hsin-Yu Chen & Jessi Ali Lin
Linha de Tânia Dinis
Lugar Común de Gabriel Alayza & Katherinne Fiedler
Sirens de Ilaria Di Carlo
The Welcome Rain Falling from the Sky de Kuang-Yu Tsui
Cruzar o Muro de Enrique Ramirez
The same Track de Thenjiwe Niki Nkosi
Mediations (towards a remake of Soundings) de Gary Hill
Los Encargados de Santiago Sierra & Jorge Galindo
Sweet dreams are made of this de Carlos Aires

O acceso será de balde ata completar a capacidade do espazo.