A USC acolle a partir de mañá o I Congreso sobre Seguridade, Defensa e Internet
Importantes expertos nos eidos xurídico, informático, politolóxico e sociolóxico reúnense a partir de mañá martes, día 16, en Santiago no I Congreso sobre Seguridade, Defensa e Internet que se celebrará ata o día 18 no Salón de Graos da Facultade de Dereito. O evento, o primeiro no seu xénero no ámbito europeo, está organizado polo Seminario de Estudios de Defensa da Universidade de Santiago de Compostela-CESEDEN.
Os lamentables sucesos do pasado día 11 teñen acentuado aínda máis, segundo os organizadores do encontro, a importancia das cuestións de Seguridade e Defensa, que se revelan como verdadeira garantía para a salvaguarda do Estado Democrático de Dereito. Neste senso, a interacción entre seguridade, defensa e internet orixina un sinfín de aspectos problemáticos como a criptografía, a espionaxe, a ciberguerra, a intimidade, o anonimato, o ciberterrorismo ou a liberdade de expresión, que serán tratados multidisciplinariamente no congreso.
O encontro inaugurarase oficialmente mañá martes ás 9:30 horas para continuar, ás 10:00 horas, coa conferencia maxistral Aplicación de técnicas Intrusion Detection Expert System (IDES) nas redes corporativas actuais, a cargo de Sanyu Melwani Dadlani, enxeñeiro informático e experto en seguridade informática. A Política Nacional de Seguridade das tecnoloxías da información será o tema a tratar na seguinte conferencia que, ás 12:30 horas, pronunciará Felipe Carrera, do Centro Nacional Criptolóxico e Centro Nacional de Inteligencia (CNI).
As sesións conrtinuarán pola tarde, ás 17:00 horas, coa intervención de Carlos Pérez Gómez, técnico de Comunicacións do Centro de Supercomputación de Galicia, titulada Redes de investigación. Xestión da seguridade. A última das conferencias de mañá martes, que terá lugar ás 18:30 horas, versará sobre Ciberguerra: o novo teatro de operacións a cargo de José María Navarro, magíster en Seguridade e Defensa da Universidade Complutense de Madrid e colaborador da revista Estrategia Global.
Os lamentables sucesos do pasado día 11 teñen acentuado aínda máis, segundo os organizadores do encontro, a importancia das cuestións de Seguridade e Defensa, que se revelan como verdadeira garantía para a salvaguarda do Estado Democrático de Dereito. Neste senso, a interacción entre seguridade, defensa e internet orixina un sinfín de aspectos problemáticos como a criptografía, a espionaxe, a ciberguerra, a intimidade, o anonimato, o ciberterrorismo ou a liberdade de expresión, que serán tratados multidisciplinariamente no congreso.
O encontro inaugurarase oficialmente mañá martes ás 9:30 horas para continuar, ás 10:00 horas, coa conferencia maxistral Aplicación de técnicas Intrusion Detection Expert System (IDES) nas redes corporativas actuais, a cargo de Sanyu Melwani Dadlani, enxeñeiro informático e experto en seguridade informática. A Política Nacional de Seguridade das tecnoloxías da información será o tema a tratar na seguinte conferencia que, ás 12:30 horas, pronunciará Felipe Carrera, do Centro Nacional Criptolóxico e Centro Nacional de Inteligencia (CNI).
As sesións conrtinuarán pola tarde, ás 17:00 horas, coa intervención de Carlos Pérez Gómez, técnico de Comunicacións do Centro de Supercomputación de Galicia, titulada Redes de investigación. Xestión da seguridade. A última das conferencias de mañá martes, que terá lugar ás 18:30 horas, versará sobre Ciberguerra: o novo teatro de operacións a cargo de José María Navarro, magíster en Seguridade e Defensa da Universidade Complutense de Madrid e colaborador da revista Estrategia Global.
Gabinete de Comunicación Universidade de Santiago (USC)
