Presentación do documental Labregos do Mar

Están convidados tanto os interesados nesta estrea coma todos aqueles que colaboraron connosco e que por motivos de tempo non poidemos avisar (pois esta mesma tarde tivemos resposta da confraría para poder usar o seu salón). É por iso moi importante para nos que esta nota sexa publicada, para que todo o mundo se poida achegare disfrutar do documental.

Labregos do mar é un documental de 55 minutos de duración, dirixido por Cibrán Isasi e producido por Alén Filmes e Producións Zopilote.

Costeira é o nome da campaña da pesca do bonito que se fai cada verán. A maioría dos barcos dedicados a este tipo de pesca teñen a súa base no porto de Burela. Os boniteiros son pequenos barcos cuns dez ou doce tripulantes que perseguen o peixe por todo o Atlántico, comezando polas Illas Azores no mes de Xuño e rematan en Outubro fronte ás costas de Irlanda. O xeito de pescar o bonito na actualidade –utilizando grandes cañas cun cebo para atraer os peixes- é moi similar ó que se utilizaba hai moitos anos.

Neste documental quixemos ensinar en que consiste e como se vive unha costeira do bonito, as descargas de peixe, a subasta, pero tamén a pesca. Armadores, subastadores, xente do mar, pero tamén os mariñeiros e as súas familias cóntanos como é a súa vida, as súas vivencias, como é a vida en alta mar e cando están en terra.

Para reflectir con precisión como é a pesca do bonito estivemos embarcados a bordo do “Pachilán”, un boniteiro de Burela. No barco convivimos cos mariñeiros e escoitamos as súas vivencias.

FICHA TÉCNICA:

“Labregos do Mar”

Duración: 55 minutos.
Formato: HDV

Director: Cibrán Isasi.
Guión: Carlos Ares, Cibrán Isasi.
Música: Santi Jul, Iván Laxe
Produción executiva: Carlos Ares, Diego Méndez
Director de fotografía: Aberto Castro.
Montaxe: Marcos Losada
Son: Santi Jul.
Xefe de Producción: Martín Ramudo.
Produtor: Paco Jul.