Nace Longa Lingua, publicación galega sobre lingua e sociedade
A Mesa pola Normalización Lingüística presentouen Santiago o número 0 da revista ‘Longa Lingua’, unha publicación que nace para tentar cubrir un oco na formación, a información, a análise e o debate sobre lingua e sociedade no país. Con 5.000 exemplares, trátase da revista mensual con maior tiraxe das que se publican en galego.
Na presentación de ‘Longa Lingua’ estiveron presentes varios membros do Consello de Redacción da publicación: Carlos Manuel Callón Torres, presidente da Mesa, Patricia Arias Chachero, Francisco Xosé Rei García e Iria Taibo Corsanego. Carlos Callón explicou que a publicación xa está á venda, ao prezo de catro euros, en quioscos e librarías, e que se distribuirá tamén aos socios e socias da Mesa e centros de ensino cos que o organismo ten convenios.
Precisamente un dos obxectivos de ‘Longa lingua’ é servir de material de traballo para os equipos de Normalización Lingüística dos institutos e colexios, incluíndo xogos e unidades didácticas, e servindo de lugar de intercambio para a comunidade educativa, á que se convida a participar activamente na publicación.
No número que acaba de saír do prelo, dáse a benvinda ao primeiro diario gratuíto en galego, ‘De Luns a Venres’, recóllese unha nova sentenza xudicial que reitera que A Coruña é o único topónimo oficial ou infórmase da posta en marcha do pioneiro proxecto do Voluntariado de Activación Lingüística, entre outras noticias.
No espazo dedicado á opinión, escriben o biólogo, escritor e tradutor Xavier Queipo; Pilar García Negro, profesora na Universidade da Coruña, e Nel Vidal Barral, técnico de Normalización Lingüística do Concello de Carballo. Inclúese tamén unha entrevista a Xosé Manuel Sarille, presidente de Honra da Mesa, e outra a Soco García Conde, técnica de Normalización Lingüística do Concello de Compostela.
Na sección Além Minho, un artigo de Ângelo Gonçalves Vicente aproxímanos á dimensión internacional da lingua galega. Pola súa banda, o xuíz Luís Villares Naveira analiza a problemática do conflito lingüístico e o cambio xurídico.
Na presentación de ‘Longa Lingua’ estiveron presentes varios membros do Consello de Redacción da publicación: Carlos Manuel Callón Torres, presidente da Mesa, Patricia Arias Chachero, Francisco Xosé Rei García e Iria Taibo Corsanego. Carlos Callón explicou que a publicación xa está á venda, ao prezo de catro euros, en quioscos e librarías, e que se distribuirá tamén aos socios e socias da Mesa e centros de ensino cos que o organismo ten convenios.
Precisamente un dos obxectivos de ‘Longa lingua’ é servir de material de traballo para os equipos de Normalización Lingüística dos institutos e colexios, incluíndo xogos e unidades didácticas, e servindo de lugar de intercambio para a comunidade educativa, á que se convida a participar activamente na publicación.
No número que acaba de saír do prelo, dáse a benvinda ao primeiro diario gratuíto en galego, ‘De Luns a Venres’, recóllese unha nova sentenza xudicial que reitera que A Coruña é o único topónimo oficial ou infórmase da posta en marcha do pioneiro proxecto do Voluntariado de Activación Lingüística, entre outras noticias.
No espazo dedicado á opinión, escriben o biólogo, escritor e tradutor Xavier Queipo; Pilar García Negro, profesora na Universidade da Coruña, e Nel Vidal Barral, técnico de Normalización Lingüística do Concello de Carballo. Inclúese tamén unha entrevista a Xosé Manuel Sarille, presidente de Honra da Mesa, e outra a Soco García Conde, técnica de Normalización Lingüística do Concello de Compostela.
Na sección Além Minho, un artigo de Ângelo Gonçalves Vicente aproxímanos á dimensión internacional da lingua galega. Pola súa banda, o xuíz Luís Villares Naveira analiza a problemática do conflito lingüístico e o cambio xurídico.
A Mesa pola Normalización Lingüística
