Aberto o prazo de inscrición no curso: Contidos interactivos para DVD-MHP

A Dirección Xeral de Comunicación Audiovisual ten aberto o prazo de inscrición para participar no curso de “CONTIDOS INTERACTIVOS PARA DVD:MHP”. Este curso impartirase, a través de videoconferencia, desde a sé do Centro Multimedia de Galicia, en Santiago de Compostela, á Rede de Aulas distribuidas por toda Galicia.

Este curso, de carácter gratuito comeza o 30 de maio, rematando o 26 de xuño, en horario de 10:00 a 13:30 horas, cunha duración total de 42 horas lectivas realizarase a través de videoconferencia no novo telecentro sito no concello de Vimianzo ( r/ Evaristo Mateo, Vimianzo)

A través do curso de “CONTIDOS INTERACTIVOS PARA DVD:MHP ” os/as alumnos/as iniciaranse nas tecnoloxías asociadas á nova televisión dixital interactiva baseada no estándar MHP. Ó rematar o curso, o/a alumno/a estará capacitado para desenvolver aplicacións telemáticas para este novo medio.

Os interesados en participar neste curso poden inscribirse a través da web do Centro Multimedia de Galicia (www.cmg.xunta.es) ou chamando ao número de teléfono 981 54 50 62. As prazas son limitadas.