Galicia está preparada para a transición da televisión analóxica á TDT
O Grupo de Traballo para o desenvolvemento da TDT en Galicia reuniuse en Santiago para debater o plan de cese de emisións de televisión con tecnoloxía analóxica e concluíu que todo está preparado para a transición á televisión dixital. Na reunión, presidida polo director xeral de Comunicación Audiovisual, Manuel José Fernández Iglesias, e na que participa o subdirector xeral de Infraestructuras e Normativa Técnica da Dirección Xeral de Telecomunicacións do Ministerio de Industria, Ricardo Alvariño Álvarez, debateuse o plan de cese de emisións de televisión con tecnoloxía analóxica. Este plan persegue proporcionar un marco de actuación para o cese coordinado das emisións de televisión analóxica, garantindo a menor incidencia posible nos cidadáns.
O plano artéllase a través de proxectos de transición, priorizados e planificados temporalmente, focalizados en áreas xeográficas –chamadas áreas técnicas– cubertas por un centro principal de emisión, os centros reemisores que tomen o sinal primario do devandito centro, e os centros de menor entidade e microreemisores rurais que dependen destes centros.
En Galicia, definíronse seis proxectos de transición vinculados aos seis grandes centros de Retegal en Galicia, correspondentes ás áreas técnicas de Ares, Domaio, Meda, Ourense Leste, Páramo e Santiago-Pedroso. Os primeiros proxectos en rematar serán os de Santiago e Ourense Leste no primeiro semestre do 2009, e o último será o de Páramo, na provincia de Lugo, en abril de 2010. A execución do plan farase de xeito coordinado polo Ministerio de Industria, Turismo e Comercio; a Secretaría Xeral de Comunicación, o operador público galego Retegal, e o resto dos operadores de ámbito estatal.
Os proxectos de transición consisten en despregar todas as estacións de TDT con cobertura na área técnica e comprobar que polo menos se iguala a cobertura analóxica anterior; adaptar as instalacións receptoras de televisión nos fogares e comprobar que todos os fogares teñen receptor de TDT; e realizar campañas de comunicación locais informando sobre a data de apagado das emisións analóxicas, intensificando as actuacións a medida de que se vai achegando a data efectiva de apagado.
Neste plan intégrase tamén o proxecto piloto de transición á televisión dixital na Fonsagrada, que rematará co cese das emisións nese concello a finais de marzo do 2008. Este proxecto, que xa se está a estudar como referencia noutras comunidades autónomas e no Ministerio competente, ten como obxectivo principal acadar un marco real de actuación para garantir o éxito da implantación definitiva da TDT en toda Galicia.
A Fonsagrada é o concello máis extenso de Galicia e ten un perfil xeográfico e poboacional perfectamente extrapolable á meirande parte do país. O plan piloto permitirá estudar a resposta ao cambio da poboación no eido rural, como se lles informa, que apoio será necesario proporcionar para facilitar o acceso á nova tecnoloxía e a dispoñibilidade de receptores e técnicos competentes para a adaptación das instalacións dos fogares.
O grupo de traballo para o desenvolvemento da TDT en Galicia está coordinado pola Secretaría Xeral de Comunicación a través da Dirección Xeral de Comunicación Audiovisual. Neste grupo participan o Ministerio de Industria, Turismo e Comercio, os técnicos da Dirección Xeral de Comunicación Audiovisual, as corporacións locais a través da FEGAMP, a Escola de Enxeñeiros de Telecomunicación da Universidade de Vigo, o Colexio Oficial de Enxeñeiros de Telecomunicacións, os operadores de telecomunicacións Abertis Telecom e Retegal, os fabricantes galegos Tredess, Egatel e Itelsis, os instaladores de infraestruturas de telecomunicación, os concesionarios de televisión galegos, e os usuarios.
O plano artéllase a través de proxectos de transición, priorizados e planificados temporalmente, focalizados en áreas xeográficas –chamadas áreas técnicas– cubertas por un centro principal de emisión, os centros reemisores que tomen o sinal primario do devandito centro, e os centros de menor entidade e microreemisores rurais que dependen destes centros.
En Galicia, definíronse seis proxectos de transición vinculados aos seis grandes centros de Retegal en Galicia, correspondentes ás áreas técnicas de Ares, Domaio, Meda, Ourense Leste, Páramo e Santiago-Pedroso. Os primeiros proxectos en rematar serán os de Santiago e Ourense Leste no primeiro semestre do 2009, e o último será o de Páramo, na provincia de Lugo, en abril de 2010. A execución do plan farase de xeito coordinado polo Ministerio de Industria, Turismo e Comercio; a Secretaría Xeral de Comunicación, o operador público galego Retegal, e o resto dos operadores de ámbito estatal.
Os proxectos de transición consisten en despregar todas as estacións de TDT con cobertura na área técnica e comprobar que polo menos se iguala a cobertura analóxica anterior; adaptar as instalacións receptoras de televisión nos fogares e comprobar que todos os fogares teñen receptor de TDT; e realizar campañas de comunicación locais informando sobre a data de apagado das emisións analóxicas, intensificando as actuacións a medida de que se vai achegando a data efectiva de apagado.
Neste plan intégrase tamén o proxecto piloto de transición á televisión dixital na Fonsagrada, que rematará co cese das emisións nese concello a finais de marzo do 2008. Este proxecto, que xa se está a estudar como referencia noutras comunidades autónomas e no Ministerio competente, ten como obxectivo principal acadar un marco real de actuación para garantir o éxito da implantación definitiva da TDT en toda Galicia.
A Fonsagrada é o concello máis extenso de Galicia e ten un perfil xeográfico e poboacional perfectamente extrapolable á meirande parte do país. O plan piloto permitirá estudar a resposta ao cambio da poboación no eido rural, como se lles informa, que apoio será necesario proporcionar para facilitar o acceso á nova tecnoloxía e a dispoñibilidade de receptores e técnicos competentes para a adaptación das instalacións dos fogares.
O grupo de traballo para o desenvolvemento da TDT en Galicia está coordinado pola Secretaría Xeral de Comunicación a través da Dirección Xeral de Comunicación Audiovisual. Neste grupo participan o Ministerio de Industria, Turismo e Comercio, os técnicos da Dirección Xeral de Comunicación Audiovisual, as corporacións locais a través da FEGAMP, a Escola de Enxeñeiros de Telecomunicación da Universidade de Vigo, o Colexio Oficial de Enxeñeiros de Telecomunicacións, os operadores de telecomunicacións Abertis Telecom e Retegal, os fabricantes galegos Tredess, Egatel e Itelsis, os instaladores de infraestruturas de telecomunicación, os concesionarios de televisión galegos, e os usuarios.
Gabinete de Comunicación da Xunta de Galicia
