Después de la boda, gañadora da Sección Oficial da XXIX Semana de Cine de Lugo

No momento do peche da Semana de Cine de Lugo, queremos facer constar a satisfacción do Grupo Fonmiñá polo apoio recibido das Institucións copatrocinadoras, e do público lucense que en todo momento nos arroupou coa súa presencia.

Non dispoñemos, polo momento, de cifras de asistentes, aínda que calculamos estarán arredor dos 10.000, sensiblemente inferiores ós dos últimos anos.

O excepcional bo tempo neste setembro, circunstancia acusada con forza polas salas comerciais lucenses, xunto coa celebración de probas deportivas de interese xeral, seguro que contribuiron a esta baixa de espectadores. Así queremos entendelo porque o entusiasmo que percibimos entre os asistentes, non diminúe senón que notamos vai en aumento.

O Alcalde de Lugo, no acto de inauguración, animounos a comezar de inmediato coa organización da XXX Semana, que terá lugar en 2008. Estamos neso xa.

Un dos temas que queremos estudiar de inmediato é a posibilidade de celebrala na segunda quincena de outubro, para ter un tempo despois das vacacións do verán para publicitar a semana e que os lucenses coñezan con antelación a programación.

Deste xeito tamén posibilitaríamos que os universitarios de fóra da cidade pudiesen asistir ás proxeccións, e neste senso coidamos poder establecer aínda máis forte vencello coa institución universitaria onde (Sala Isaac Díaz Pardo) este ano se montou a exposición dos carteis presentados a concurso.

Valorando a baixada de espectadores, que por desgracia ven ser a tónica do sector en Lugo, pero tendo moi en conta o entusiasmo e aceptación dos asistentes e a resposta dos medios informativos, afrontaremos a XXX edición con tempo e gañas, sabendo que Lugo valora un tempo de cine cando o verán rematou, como un alimento cultural para o frío tempo que vai comezar.

Gracias por todo.

Grupo Fonmiñá.

MELLOR PELICULA DA SECCIÓN OFICIAL POR VOTACION POPULAR

O público lucense elixiu a Mellor Película da Sección Oficial e dacordo cos votos emitidos, asi quedaron as películas presentadas:

1). DESPUES DE LA BODA (156 votos-403 puntos) - 2,583

2). DAYS OF GLORY (131 votos-323 puntos) - 2,465

3). EL VIOLIN (127 votos-304 puntos) - 2,393

4). OFFSIDE (123 votos- 234 puntos) - 1,902

5). MI HIJO (143 votos-265 puntos) - 1,853

6). INLAND EMPIRE (80 votos-70 puntos) - 0,875

Con motivo da exposición dedicada a FRANK BRAÑA, Fonmiñá xa recibiu varias peticións para ser vista en varias ciudades galegas. Por iso a primeira vila donde se expoñerá próximamente será A Fonsagrada, terra que viu nacer ao actor.

Para maior información sobre a Semana, os seus contados, fotos e actos diversos rogamos visiten a páxina web do Festival en www.semanadecine.delugo.info