O profesor Miguel Túñez tomou posesión como decano da Facultade de Ciencias da Comunicación
O novo decano referiuse ademais ás mudanzas posibilitadas por Internet no eido da comunicación social e interpersonal, así como aos cambios experimentados polos distintos medios de comunicación masiva en canto a formatos, fundamentados no auxe dos soportes dixitais, e contidos, o que en opinión do profesor Túñez redunda nunha mudanza do rol dos xornalistas.
O decano de Ciencias da Comunicación indicou que na actualidade tres de cada catro xornalistas licenciados na USC están a exercer a profesión nos medios de comunicación e máis de 100 alumnos incorporaránse en breve ás redaccións froito do programa de prácticas do centro. Túñez loubou esta iniciativa, en funcionamento dende fai 10 anos, na medida en que exemplifica o recoñecemento do sistema productivo ao bo nivel de formación ofrecido pola Facultade.
Rematou o profesor Túñez a súa intervención facendo unha invitación á institución para aproveitar as actuais infraestruturas, equipamento técnico, profesorado e alumnado no desenvolvemento dunha radio e televisión universitarias.
Pola súa banda, o reitor compostelán salientou os importantes esforzos realizados polo persoal deste centro que no presente curso asumiu a posta en marcha de dous cursos da nova titulación compartida en Comunicación Audiovisual, experiencia pioneira, que sinala á colaboración como unhas das vías máis importantes para rendabilizar os nosos recursos. Para Barro a Facultade de Ciencias da Comunicación é un centro de actividade frenética e permeable ao conxunto da sociedade e do contorno socioeconómica.
O profesor Túñez resultou elixido novo decano de Ciencias da Comunicación o pasado mes de abril nun votación na que acadou 15 votos a favor e dous en branco. Neste proceso electoral a do profesor Túñez foi a única candidatura presentada. Miguel Túñez, profesor do Departamento de Ciencias da Comunicación, substitúe deste xeito ao anterior decano Xosé López.
O decano de Ciencias da Comunicación indicou que na actualidade tres de cada catro xornalistas licenciados na USC están a exercer a profesión nos medios de comunicación e máis de 100 alumnos incorporaránse en breve ás redaccións froito do programa de prácticas do centro. Túñez loubou esta iniciativa, en funcionamento dende fai 10 anos, na medida en que exemplifica o recoñecemento do sistema productivo ao bo nivel de formación ofrecido pola Facultade.
Rematou o profesor Túñez a súa intervención facendo unha invitación á institución para aproveitar as actuais infraestruturas, equipamento técnico, profesorado e alumnado no desenvolvemento dunha radio e televisión universitarias.
Pola súa banda, o reitor compostelán salientou os importantes esforzos realizados polo persoal deste centro que no presente curso asumiu a posta en marcha de dous cursos da nova titulación compartida en Comunicación Audiovisual, experiencia pioneira, que sinala á colaboración como unhas das vías máis importantes para rendabilizar os nosos recursos. Para Barro a Facultade de Ciencias da Comunicación é un centro de actividade frenética e permeable ao conxunto da sociedade e do contorno socioeconómica.
O profesor Túñez resultou elixido novo decano de Ciencias da Comunicación o pasado mes de abril nun votación na que acadou 15 votos a favor e dous en branco. Neste proceso electoral a do profesor Túñez foi a única candidatura presentada. Miguel Túñez, profesor do Departamento de Ciencias da Comunicación, substitúe deste xeito ao anterior decano Xosé López.
Gabinete Comunicación USC
