Tralas Luces e Arrugas participarán no 59º Festival de Cine de San Sebastián

O Consorcio Audiovisual de Galicia, dependente da Secretaría Xeral de Medios da Xunta, mostrou a súa satisfacción pola selección dos filmes galegos “Tralas Luces” e “Arrugas” para participar na 59º edición do Festival de Cine de San Sebastián. O Consorcio Audiovisual quere mostrar así mesmo o apoio os filmes que competirán na sección Zabaltegi, consolidada como unha das seccións de máis prestixio dentro do festival donostiarra. O Festival o que concorrerán os filmes celebrarase entre os días 16 o 24 de setembro na cidade donostiarra.

Cada ano preséntanse a esta sección vinte novos talentos que optan coa súa primeira ou segunda película ao Premio Kutxa-Novos Directores dotado con 90.000 euros. Este ano dúas das tres películas españolas presentadas será de orixe galega.

“Tralas Luces” é un documental que sigue a vida nómade de Lourdes mentres percorre as feiras do norte de España coa súa pista de autos de choque na compaña da súa familia. A dirección do filme corresponde a directora Sandra Sánchez.

“Arrugas” é unha adaptación da novela gráfica homónima de Paco Roca. Este filme describe as ilusións, sentimentos e frustracións dun grupo de anciáns nunha residencia da terceira idade. O seu director é Ignacio Ferreras.

O Consorcio Audiovisual de Galicia está levando a cabo unha serie de actividades de promoción do cine galego no que se inclúe o apoio a estes dous filmes, contribuíndo así a consolidar a proxección nacional e internacional do audiovisual galego.