O cine e as finanzas, no programa Galicia Profilme
Profesionais galegos do sector audiovisual asisten na Cidade da Cultura ao primeiro encontro do programa Galicia ProFilme, que a Consellería de Cultura, Educación e Ordenación Universitaria organiza a través da Agadic (Axencia Galega das Industrias Culturais) como plataforma de formación continua e específica aberta a todos os que desenvolven a súa actividade profesional neste ámbito.
O director da Agadic, Jacobo Sutil, foi o encargado de inaugurar estas xornadas que, baixo o título Cinema, creación e finanzas, desenvólvense entre hoxe e maña coa participación como relatores de Pilar de Benito, directora xeral de Morena Films; Marisa Castelo, directora de Legalarte, despacho xurídico especializado en propiedade intelectual e lexislación cultural; e Pedro Martín, director de proxectos e desenvolvemento de Audiovisual SGR (Sociedad de Garantía Recíproca).
Terceiro posto a nivel estatal
Na súa intervención, Sutil explicou que Galicia ProFilme nace cun “eminente sentido práctico” en resposta ás demandas de formación específica por parte do propio sector. Incidiu, así mesmo, no papel da formación especializada como “factor básico no camiño do crecemento e a consolidación da industria audiovisual galega, que neste momento ocupa o terceiro posto canto a número de empresas e producións no panorama audiovisual do conxunto do Estado”.
O director da Agadic avanzou tamén os contidos dos dous encontros que este programa ofrecerá nos meses de novembro e decembro, converténdose deste xeito nun punto de encontro permanente a través do que, segundo sinalou, “o sector terá a oportunidade de participar en accións de carácter formativo que, dun xeito práctico e eficaz, chegarán da man de recoñecidos profesionais a nivel nacional e internacional”.
Para a primeira sesión, O negocio do cinema: a arte do financiamento e as desgravacións fiscais no mundo, contouse con Pilar de Benito e Marisa Castelo para afondar na importancia e nas principais vías para a consecución de financiamento previo para a realización de proxectos audiovisuais.
Neste sentido, a directora de Morena Films incidiu en aspectos como o control de xestión e o control de risco, así como na figura das Agrupacións de Interese Económico (AIE) como fórmula para abordar a produción dun filme. Marisa Castelo, pola súa banda, abordou aspectos legais arredor destas mesmas cuestións.
Colaboración co Clúster Audiovisual Galego
Xa pola tarde foi a quenda de Pedro Martín, quen participa neste encontro grazas á colaboración do Clúster Audiovisual Galego. Martín explicou o funcionamento da entidade pública Audiovisual SGR, ademais de analizar o convenio entre o ICO (Instituto de Crédito Oficial) e o ICAA (Instituto de la Cinematografía y de las Artes Audiovisuales). No último tramo da súa intervención, analizou a explotación das obras audiovisuais e a súa contabilización a través de casos prácticos.
Esta primeira convocatoria conclúe o venres 18 de outubro cunha nova intervención de Marisa Castelo, quen expón un manual práctico de contratación e fiscalidade dirixido especialmente a autores e artistas.
Media Desk en novembro
Galicia ProFilme continuará o venres 15 de novembro cunha sesión informativa arredor do programa europeo Media e as súas axudas para produtores independentes. Jacobo Sutil e o director da Oficina Media Desk España, Jesús Hernández, inaugurarán este segundo encontro, durante o que o equipo de Media Desk debullará as liñas claves nas solicitudes destas convocatorias e se contará, ademais, coa experiencia de diferentes produtoras independentes: Fernanda del Nido, de Tic Tac Producciones; María Zamora, de Avalon; Cristóbal García, de Morena Films; e Rubén Zarauza, de Vodka Capital.
Nesta mesma xornada, Hernández avanzará as claves do futuro de Media no marco do programa Europa Creativa 2014-2020, mentres que a coordinadora do Fondo de Garantía á Produción MEDIA de Audiovisual SGR explicará o funcionamento deste garante de préstamos que SGR xestiona xunto coa Comisión Europea.
No mes de decembro terá lugar a terceira convocatoria de Galicia ProFilme, Preprodución e mercado internacional, no que se ofrecerán tamén diferentes estratexias para a promoción e distribución de produtos no exterior. Esta última sesión do ano desenvolverase o xoves 12 coa participación de José María Riba, membro do comité de selección da Quincena de Realizadores do Festival de Cannes; Manuel Monzón, da distribuidora Acontracorriente Films; e David Castellanos, da axencia de vendas internacional Cinema Republic.
O director da Agadic, Jacobo Sutil, foi o encargado de inaugurar estas xornadas que, baixo o título Cinema, creación e finanzas, desenvólvense entre hoxe e maña coa participación como relatores de Pilar de Benito, directora xeral de Morena Films; Marisa Castelo, directora de Legalarte, despacho xurídico especializado en propiedade intelectual e lexislación cultural; e Pedro Martín, director de proxectos e desenvolvemento de Audiovisual SGR (Sociedad de Garantía Recíproca).
Terceiro posto a nivel estatal
Na súa intervención, Sutil explicou que Galicia ProFilme nace cun “eminente sentido práctico” en resposta ás demandas de formación específica por parte do propio sector. Incidiu, así mesmo, no papel da formación especializada como “factor básico no camiño do crecemento e a consolidación da industria audiovisual galega, que neste momento ocupa o terceiro posto canto a número de empresas e producións no panorama audiovisual do conxunto do Estado”.
O director da Agadic avanzou tamén os contidos dos dous encontros que este programa ofrecerá nos meses de novembro e decembro, converténdose deste xeito nun punto de encontro permanente a través do que, segundo sinalou, “o sector terá a oportunidade de participar en accións de carácter formativo que, dun xeito práctico e eficaz, chegarán da man de recoñecidos profesionais a nivel nacional e internacional”.
Para a primeira sesión, O negocio do cinema: a arte do financiamento e as desgravacións fiscais no mundo, contouse con Pilar de Benito e Marisa Castelo para afondar na importancia e nas principais vías para a consecución de financiamento previo para a realización de proxectos audiovisuais.
Neste sentido, a directora de Morena Films incidiu en aspectos como o control de xestión e o control de risco, así como na figura das Agrupacións de Interese Económico (AIE) como fórmula para abordar a produción dun filme. Marisa Castelo, pola súa banda, abordou aspectos legais arredor destas mesmas cuestións.
Colaboración co Clúster Audiovisual Galego
Xa pola tarde foi a quenda de Pedro Martín, quen participa neste encontro grazas á colaboración do Clúster Audiovisual Galego. Martín explicou o funcionamento da entidade pública Audiovisual SGR, ademais de analizar o convenio entre o ICO (Instituto de Crédito Oficial) e o ICAA (Instituto de la Cinematografía y de las Artes Audiovisuales). No último tramo da súa intervención, analizou a explotación das obras audiovisuais e a súa contabilización a través de casos prácticos.
Esta primeira convocatoria conclúe o venres 18 de outubro cunha nova intervención de Marisa Castelo, quen expón un manual práctico de contratación e fiscalidade dirixido especialmente a autores e artistas.
Media Desk en novembro
Galicia ProFilme continuará o venres 15 de novembro cunha sesión informativa arredor do programa europeo Media e as súas axudas para produtores independentes. Jacobo Sutil e o director da Oficina Media Desk España, Jesús Hernández, inaugurarán este segundo encontro, durante o que o equipo de Media Desk debullará as liñas claves nas solicitudes destas convocatorias e se contará, ademais, coa experiencia de diferentes produtoras independentes: Fernanda del Nido, de Tic Tac Producciones; María Zamora, de Avalon; Cristóbal García, de Morena Films; e Rubén Zarauza, de Vodka Capital.
Nesta mesma xornada, Hernández avanzará as claves do futuro de Media no marco do programa Europa Creativa 2014-2020, mentres que a coordinadora do Fondo de Garantía á Produción MEDIA de Audiovisual SGR explicará o funcionamento deste garante de préstamos que SGR xestiona xunto coa Comisión Europea.
No mes de decembro terá lugar a terceira convocatoria de Galicia ProFilme, Preprodución e mercado internacional, no que se ofrecerán tamén diferentes estratexias para a promoción e distribución de produtos no exterior. Esta última sesión do ano desenvolverase o xoves 12 coa participación de José María Riba, membro do comité de selección da Quincena de Realizadores do Festival de Cannes; Manuel Monzón, da distribuidora Acontracorriente Films; e David Castellanos, da axencia de vendas internacional Cinema Republic.
Gabinete de Comunicación da Xunta de Galicia
