Os filmes italianos Romanzo di una strage'e e Il divo, no CGAC de Compostela
A Consellería de Cultura, Educación e Ordenación Universitaria proxecta no Centro Galego de Arte Contemporánea o xoves 30 de xaneiro ‘Romanzo di una strage’e o venres 31 o filme ‘Il Divo’. Estas proxeccións enmárcanse dentro do ciclo ‘Cinema no CGAC’, unha actividade paralela e complementaria á mostra ‘93’, coa que o museo conmemora o seu vixésimo aniversario.
‘Cinema no CGAC’ ofrece a posibilidade de asistir a unha película en lingua orixinal os xoves e outra os venres ás 20,30 horas, e a entrada será libre e gratuíta ata completar as localidades. O ciclo divídese en tres bloques temáticos, o primeiro deles, que estará ata o 20 de febreiro, é o Ciclo de Cine Italiano, ‘De Mussolini a Berlusconi: Como un xogo de máscaras’.
O segundo bloque temático, Ciclo de Cine sobre a figura do Transxénero, proxectarase durante todo o mes de marzo e arrancará co filme ‘Orlando’, de Sally Potter, película gañadora de Festival Cineuropa en 1993. O terceiro e último bloque, Ciclo de cine Británico, terá lugar nos meses de abril e maio e centrarase en filmes realizados na Inglaterra thatcheriana.
Romanzo di una strage
O 12 de decembro de 1969, explotan unha serie de bombas no centro de Roma e Milán. A atribución dos atentados a un grupo anarquista leva á detención, tortura e asasinato dun militante desa banda; pero a autoría real provén do grupo de extrema dereita Ordine Nuovo, que pretende crear unha inestabilidade que propicie o golpe de estado de Junio Valerio Borghese, coñecido como o Príncipe Negro.
Dirixido por Marco TullioGiordana en 2012, este drama conta coa interpretación de Valerio Mastandrea, Pierfrancesco Favino, Michela Cescon, Fabrizio Gifuni, Luigi Lo Cascio, Laura Chiatti, Giorgio Colangeli, Omero Antonutti, Thomas Trabacchi e Giorgio Tirabassi.
‘Il Divo’
É unha biografía composta á maneira dun quebracabezas, do personaxe más controvertido da vida política italiana da segunda metade do século XX, o democristián e sete veces presidente do goberno Giulio Andreotti. A partir do momento no cal Andreotti vai ser finalmente xulgado polas súas relacións coa mafia de Palermo e pola súa vinculación co asasinato do xornalista Mino Pecorelli, o filme vai revisando a súa ascensión política e a súa relación cos feitos más escuros deses anos.
O filme foi dirixido en 2008 por Paolo Sorrentino e conta coa participación dos actores Toni Servillo, Anna Bonaiuto, Piera Degli Esposti, Paolo Graziosi, Giulio Bosetti, Fanny Ardant, Flavio Bucci, Carlo Buccirosso, Giorgio Colangeli, Alberto Cracco, Lorenzo Gioielli, Gianfelice Imparato, Massimo Popolizio, Aldo Ralli, Giovanni Vettorazzo.
Conversas no CGAC
O Ciclo de conversas sobre a exposición 93 é outra das actividades que complementan á mostra‘93’coa que o CGAC celebra o seu vixésimo aniversario. O centro organiza unha serie de encontros cos artistas presentes na exposición. A través deles pretende ofrecer unha visión xeral da arte a comezos dos anos noventa e, particularmente, do contexto no que xurdiron as obras que a compoñen.
En cada sesión, dous artistas conversan co director do centro e comisario da exposición, Miguel von Hafe Pérez, sobre os seus respectivos procesos de creación arredor de 1993, ano en que foron concibidas as obras que forman parte da mostra.
Esta semana daranse cita no CGAC as artistas Chelo Matesanz e Nuria Canal para falar xunto co director do centro sobre o contexto social, cultural e artístico da década dos 90.
Nuria Canal (Burgos, 1965) é unha artista cuxo traballo versa a miúdo acerca das relacións persoais, a intimidade, e as súas representacións sociais e políticas.
Chelo Matesanz (Reinosa, 1964), profesora titular de Pintura na Facultade de Belas Artes de Pontevedra (Universidade de Vigo) conta cunha traxectoria artística- a miúdo en torno ao mundo feminino- na que revisa distintos momentos, categorías e xéneros da historia da arte.
‘Cinema no CGAC’ ofrece a posibilidade de asistir a unha película en lingua orixinal os xoves e outra os venres ás 20,30 horas, e a entrada será libre e gratuíta ata completar as localidades. O ciclo divídese en tres bloques temáticos, o primeiro deles, que estará ata o 20 de febreiro, é o Ciclo de Cine Italiano, ‘De Mussolini a Berlusconi: Como un xogo de máscaras’.
O segundo bloque temático, Ciclo de Cine sobre a figura do Transxénero, proxectarase durante todo o mes de marzo e arrancará co filme ‘Orlando’, de Sally Potter, película gañadora de Festival Cineuropa en 1993. O terceiro e último bloque, Ciclo de cine Británico, terá lugar nos meses de abril e maio e centrarase en filmes realizados na Inglaterra thatcheriana.
Romanzo di una strage
O 12 de decembro de 1969, explotan unha serie de bombas no centro de Roma e Milán. A atribución dos atentados a un grupo anarquista leva á detención, tortura e asasinato dun militante desa banda; pero a autoría real provén do grupo de extrema dereita Ordine Nuovo, que pretende crear unha inestabilidade que propicie o golpe de estado de Junio Valerio Borghese, coñecido como o Príncipe Negro.
Dirixido por Marco TullioGiordana en 2012, este drama conta coa interpretación de Valerio Mastandrea, Pierfrancesco Favino, Michela Cescon, Fabrizio Gifuni, Luigi Lo Cascio, Laura Chiatti, Giorgio Colangeli, Omero Antonutti, Thomas Trabacchi e Giorgio Tirabassi.
‘Il Divo’
É unha biografía composta á maneira dun quebracabezas, do personaxe más controvertido da vida política italiana da segunda metade do século XX, o democristián e sete veces presidente do goberno Giulio Andreotti. A partir do momento no cal Andreotti vai ser finalmente xulgado polas súas relacións coa mafia de Palermo e pola súa vinculación co asasinato do xornalista Mino Pecorelli, o filme vai revisando a súa ascensión política e a súa relación cos feitos más escuros deses anos.
O filme foi dirixido en 2008 por Paolo Sorrentino e conta coa participación dos actores Toni Servillo, Anna Bonaiuto, Piera Degli Esposti, Paolo Graziosi, Giulio Bosetti, Fanny Ardant, Flavio Bucci, Carlo Buccirosso, Giorgio Colangeli, Alberto Cracco, Lorenzo Gioielli, Gianfelice Imparato, Massimo Popolizio, Aldo Ralli, Giovanni Vettorazzo.
Conversas no CGAC
O Ciclo de conversas sobre a exposición 93 é outra das actividades que complementan á mostra‘93’coa que o CGAC celebra o seu vixésimo aniversario. O centro organiza unha serie de encontros cos artistas presentes na exposición. A través deles pretende ofrecer unha visión xeral da arte a comezos dos anos noventa e, particularmente, do contexto no que xurdiron as obras que a compoñen.
En cada sesión, dous artistas conversan co director do centro e comisario da exposición, Miguel von Hafe Pérez, sobre os seus respectivos procesos de creación arredor de 1993, ano en que foron concibidas as obras que forman parte da mostra.
Esta semana daranse cita no CGAC as artistas Chelo Matesanz e Nuria Canal para falar xunto co director do centro sobre o contexto social, cultural e artístico da década dos 90.
Nuria Canal (Burgos, 1965) é unha artista cuxo traballo versa a miúdo acerca das relacións persoais, a intimidade, e as súas representacións sociais e políticas.
Chelo Matesanz (Reinosa, 1964), profesora titular de Pintura na Facultade de Belas Artes de Pontevedra (Universidade de Vigo) conta cunha traxectoria artística- a miúdo en torno ao mundo feminino- na que revisa distintos momentos, categorías e xéneros da historia da arte.
Gabinete de Comunicación da Xunta de Galicia
