Yolanda Álvarez, Jesús Blasco de Avellaneda, Charlie Hebdo, Jordi Ébole e a PDLI, candidatos ao XI Premio José Couso

Ata as 19:00 horas do luns 27 de abril está aberto o prazo para que os
colexiados do CPXG e asociados do Club de Prensa de Ferrol elixan entre as
candidaturas que concorren este ano ao Premio José Couso de Liberdade de
Prensa, iniciativa do Colexio Profesional de Xornalistas de Galicia
(CPXG), o Club de Prensa de Ferrol e a Obra Social ‘la Caixa’. As propostas desta XI Edición son Yolanda Álvarez, Jesús Blasco de Avellaneda, Charlie Hebdo, Jordi Évole e a Plataforma na Defensa da Liberdade de Información (PDLI).

O xurado, composto por todos os membros do Colexio Profesional de
Xornalistas de Galicia e os asociados do Club de Prensa de Ferrol, decidirá o gañador. Os colexiados e colexiadas do CPXG poden votar ata as 19:00 horas
do 27 de abril na intranet de www.xornalistas.com. Pola súa banda os socios e socias do Club de Prensa de Ferrol poderán facelo enviando un mail a premiocouso@xornalistas.com.