Proclamadas as candidaturas para o I Premio José Couso de Liberdade de Prensa
Ali Lmrabet, xornalista marroquí; Ángel Arnedo, director de El Correo Español-El Pueblo Vasco; Ignacio Ramonet, director de Le Monde Diplomatique; Luís Goytisolo, xornalista e escritor; Ricardo González Alonso, en representación dos xornalistas cubanos arrestados en marzo de 2003 e condenados por exercer o xornalismo independente; Juan José Millás, xornalista e escritor; e os Servizos Informativos da Cadena Ser, polo labor informativo realizado entre o 11 e o 14 de marzo de 2004; foron proclamados hoxe como candidatos ó Premio José Couso de Liberdade de Prensa.
O gañador do premio, convocado polo Colexio Profesional de Xornalistas de Galicia (CPXG), o Club de Prensa de Ferrol e Caixanova, darase a coñecer o día 3 de maio, Día Mundial da Liberdade de Prensa.
Coa proclamación das candidaturas, queda aberto o proceso de votacións para os arredor de 1.200 xornalistas con dereito a facelo: colexiados do CPXG e socios do Club de Prensa. Ata o 30 de marzo pode solicitarse o voto por correo postal, que será admitido ata o 15 de abril (data do mataselos de Correos). Igualmente, pódese votar a través da web oficial do certame, www.xornalistas.com/couso , entre os días 4 e 20 de abril.
O gañador recibirá o premio, a escultura Ás Ceibes creada por Manuel Patinha, no marco dunha cea que se celebrará no mesmo día en que se inaugure no Cantón de Ferrol o monumento que lembrará a José Couso.
O Colexio Profesional de Xornalistas de Galicia, creado pola Lei do Parlamento Galego 2/1999 do 24 de febreiro, e o Club de Prensa de Ferrol, organizan o premio co obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente. Caixanova, sensible ó desenvolvemento do exercicio profesional dos xornalistas, ofreceu dende o primeiro momento o seu apoio decidido para materializar a iniciativa.
José Couso foi disparado o 8 de abril de 2003 mentres realizaba o seu traballo para os informativos de Tele5. No mesmo ataque faleceu o tamén cámara ucrainiano Taras Protsyuk. Os organizadores queren personalizar na figura de Couso a todos aqueles xornalistas, galegos ou non, que cada ano son asasinados, maltratados ou privados dos seus dereitos como persoas e como informadores.
O gañador do premio, convocado polo Colexio Profesional de Xornalistas de Galicia (CPXG), o Club de Prensa de Ferrol e Caixanova, darase a coñecer o día 3 de maio, Día Mundial da Liberdade de Prensa.
Coa proclamación das candidaturas, queda aberto o proceso de votacións para os arredor de 1.200 xornalistas con dereito a facelo: colexiados do CPXG e socios do Club de Prensa. Ata o 30 de marzo pode solicitarse o voto por correo postal, que será admitido ata o 15 de abril (data do mataselos de Correos). Igualmente, pódese votar a través da web oficial do certame, www.xornalistas.com/couso , entre os días 4 e 20 de abril.
O gañador recibirá o premio, a escultura Ás Ceibes creada por Manuel Patinha, no marco dunha cea que se celebrará no mesmo día en que se inaugure no Cantón de Ferrol o monumento que lembrará a José Couso.
O Colexio Profesional de Xornalistas de Galicia, creado pola Lei do Parlamento Galego 2/1999 do 24 de febreiro, e o Club de Prensa de Ferrol, organizan o premio co obxectivo de recoñecer e difundir o traballo dunha persoa viva ou organización existente destacada na defensa da liberdade de prensa ou cunha salientable traxectoria profesional, libre e independente. Caixanova, sensible ó desenvolvemento do exercicio profesional dos xornalistas, ofreceu dende o primeiro momento o seu apoio decidido para materializar a iniciativa.
José Couso foi disparado o 8 de abril de 2003 mentres realizaba o seu traballo para os informativos de Tele5. No mesmo ataque faleceu o tamén cámara ucrainiano Taras Protsyuk. Os organizadores queren personalizar na figura de Couso a todos aqueles xornalistas, galegos ou non, que cada ano son asasinados, maltratados ou privados dos seus dereitos como persoas e como informadores.
Colexio Profesional de Xornalistas de Galicia
