Estudiantes y profesionales debatirán sobre la transparencia en la comunicación mediática contemporánea

Principios de la comunicación mediática contemporánea es el título principal del curso de verano de la USC presentado en el Club Internacional de Prensa y organizado por la Facultad de Ciencias de la Comunicación. Dirigido por la profesora Antía López, este curso propone reflexionar sobre la transparencia en la comunicación mediática contemporánea, en un contexto donde el aumento de la demanda de transparencia en diversos ámbitos -televisión, cine, fotografía, internet...- hace necesario replantear algunas cuestiones relacionadas con el derecho "a verlo todo".

Nota de prensa remitida por el Gabinete de Comunicación del Club Internacional de Prensa y por la organización del curso:

A crecente demanda de transparencia en diversos eidos da comunicación, desde a televisión e o cinema até a comunicación institucional ou a fotografía, será o eixo central do Curso de Verán “Principios da Comunicación Mediática Contemporánea” que se desenvolverá entre os días 16 e 19 de xullo na Facultade de Ciencias da Comunicación da Universidade de Santiago de Compostela.

Este curso, presentado na sede do Club Internacional de Prensa en Santiago, está organizado pola propia Facultade e a Vicerreitoría de Cultura da USC, e conta coa colaboración da Secretaría Xeral para as Relacións cos Medios Informativos da Xunta de Galicia, a Compañía de Radio-Televisión de Galicia, Deputación da Coruña e a Fundación Caixa Galicia.

Na presentación do curso interviron o secretario xeral de Comunicación da Xunta de Galicia, Fernando Salgado, o director de Relacións Externas e Comunciación da CRTVG, Pastor Lorenzo Sola e a directora do Curso de Verán, a profesora da Facultade de Ciencias da Comunicación, Antía López Gómez.

As xornadas centraranse no debate arredor da substitución do dereito cidadán a unha comunicación transparente, tanto no goberno como nos medios de comunicación, polo “dereito a velo todo”. Esta suplantación é a razón de ser da proliferación de formatos que buscan a apariencia de autenticidade, como é o reality show na televisión ou o falso documental no cinema, así como tamén é causa da multiplicación dos fluxos de información desde as institucións públicas e privadas.

O curso de verán “Principios da comunicación mediática contemporánea” pretende crear un punto de encontro no que estudantes universitarios, profesionais, profesores e o público en xeral reflexionen de maneira crítica sobre a noción de transparencia comunicativa e o papel que en relación a ela xogan os medios na nosa sociedade actual.

Co fin de promover a participación activa e o debate, as xornadas estruturanse arredor de conferencias en horario de mañá e obradoiros prácticos polas tardes, onde profesionais da publicidade, a comunicación institucional, o cinema e a fotografía presentarán diferentes formas de traballar baixo a estratexia da transparencia.

A matrícula para asistir a este curso de verán permanece aberta ata o 6 de xullo e o prezo xeral é de 120 euros. Os estudantes universitarios, desempregados, profesorado de PAS da USC dispoñen dunha taxa reducida de 70 euros. Asemade, recoñécense 2 créditos de libre configuración para o alumnado da USC.