Skip to main content

Notas

  • Política e covid-19 centraron a actividade das plataformas de loita contra as noticias falsas nos últimos catro anos
    A proliferación das informacións falsas, imprecisas ou enganosas que se difunden a través das redes sociais e das aplicacións de mensaxería, converténdose nalgúns casos en virais, tense convertido “nunha preocupación de primeira magnitude para gobernos e institucións internacionais”, dado que “pon en risco a estabilidade dos sistemas políticos democráticos” e constitúe “unha seria ameaza para a credibilidade dos medios de comunicación”.
  • GA-LINK, o rural a golpe de clic
    Estudantes do Campus Terra da USC revitalizan o medio rural con GA-LINK, unha plataforma dixital premiada na terceira edición do Terra Creative Jam, a través da que se dá a coñecer ao público interesado a oferta de lecer, así como as distintas actividade e eventos programados nos distintos territorios da xeografía galega. Esta ferramenta xurdiu no evento de xeración de ideas promovido polo Campus Terra xunto coa Área de Valoración, Transferencia e Emprendemento (AVTE) da USC.
  • Persoal da USC traduce por primeira vez ao galego actual as 'Cantigas de Santa María'
    O Grupo de Investigación de Románicas da Universidade de Santiago está a traballar nunha nova edición crítica das Cantigas de Santa María de Afonso X O Sabio, que estará acompañada dunha tradución ao galego actual, e que se editará en colaboración co Centro Ramón Piñeiro para a Investigación en Humanidades. O grupo aborda diferentes liñas de estudo vencelladas coa Idade Media e dentro delas a catedrática de Filoloxía Románica Elvira Fidalgo céntrase dun xeito moi particular nas cantigas.
  • 'Cibercarracho, -a', Palabra do Ano 2023 polo Portal das Palabras
    O lema ciberdelicuente figura dende hai un tempo no Dicionario en liña da Real Academia Galega para designar a persoa que comete un acto delituoso por medio das tecnoloxías da información e da comunicación, pero a inventiva para sensibilizar sobre o problema dos ciberataques e outros delitos informáticos creou nos últimos meses un neoloxismo de rexistro coloquial que tira do humor para gañar eficacia neste desafío: cibercarracho, -a.
  • O proxecto Nós lanza unha campaña de doazón de voz para recoller as variedades fonéticas e dialectais de Galicia
    O reitor da Universidade de Santiago de Compostela, Antonio López, e o conselleiro de Cultura, Educación, FP e Universidades, Román Rodríguez, presentaron na aula CEMIT de Porto do Son a campaña AgasallaNós de doazón de voz para o Proxecto Nós. Trátase dunha iniciativa na que a USC colabora coa Xunta de Galicia e que permitirá recoller a variedade fonética e dialectal de Galicia para permitir que dispositivos como Siri, Alexa ou Google recoñezan as distintas cadencias lingüísticas do galego.
  • Relatos sobre Ponteceso, Betanzos e Boiro gañan o certame #HoxeEscriboEn
    A Biblioteca Provincial acolleu hoxe a entrega de premios do certame #HoxeEscriboEn 2023. O vicepresidente e deputado de turismo, Xosé Regueira, e a deputada de cultura, Natividad González, entregaron os galardóns ás persoas gañadoras: no primeiro posto, María Luisa Vidal Collazo, por “Estou aquí”, un relato referido a Ponteceso; no segundo, Diego Fernández Fernández, por “O desencravo”, sobre Betanzos, e no terceiro María José González López, por “El pazo de Goiáns”, de Boiro.
  • A UDC e a Fundación María José Jove reúnen a máis dunha trintena de artistas e axentes culturais nun encontro sobre arte contemporánea en Galicia
    A Universidade da Coruña, a través de NORMAL, o espazo de intervención cultural da UDC, e a Fundación María José Jove, a través da plataforma dixital de difusión cultural da área de Arte da Fundación María José Jove (MUV), reuniron hoxe a máis dunha trintena de artistas e axentes culturais con motivo do II Encontro: “Dentro e fóra. Arte Contemporánea en Galicia”.
  • O Valentín Paz Andrade premia unha investigación sobre as desigualdades xeradas pola COVID-19
    José Manuel Amoedo e María del Carmen Sánchez-Carreira foron recoñecidos este martes 19 co premio Valentín Paz Andrade de Investigación en Economía de Galicia, convocado polo Instituto de Estudos e Desenvolvemento de Galicia da USC (IDEGA) e o Consello Económico e Social (CES). Amoedo e Sánchez-Carreira foron premiados polo artigo ‘Os efectos iniciais da COVID-19 nas desigualdades de renda en Galicia e a súa distribución na sociedade’, un traballo que veu la luz na Revista Galega de Economía.
  • A revista 'Gender on Digital' nace para difundir coñecemento científico, crítico e feminista, sobre os riscos éticos da transformación tecnolóxica
    A Cátedra de Feminismos 4.0 DEPO-UVigo deu este xoves un paso máis na loita contra a desigualdade de xénero no ámbito dixital coa presentación de sociedade dunha nova revista que permitirá difundir coñecemento científico, crítico e feminista, sobre os riscos éticos da transformación tecnolóxica e o seu impacto negativo sobre os dereitos das persoas. Bautizada como Gender on Digital. Journal of Digital Feminism, a nova publicación foi presentada no edificio Redeiras.
  • Novos Cinemas levanta o pano con dez curtas nas que o alumnado 'hackea' a realidade
    'Durante o tempo que durou o taller, buscamos maneiras de transformar a realidade a través do cinema. E fixémolo cun simple xesto, introducindo a cámara en situacións cotiás da nosa contorna, como se a estivesemos hackeando'. Deste xeito presenta o artista audiovisual e investigador da Facultade de Belas Artes Berio Molina o taller A xogos coa realidade, no que dez estudantes do campus traballaron nunhas curtametraxes que na tarde deste martes abren a programación de Novos Cinemas.