Notas
-
O II Certame de Paisaxe Sonora, unha iniciativa a prol do fomento da creatividade promovida pola USC ao abeiro do convenio Lugo Cultural, que recibe financiamento da USC, Deputación Provincial de Lugo e Concello de Lugo, distingue as obras ‘Sensacións do Morrazo’, de Carlos Suárez, e ‘El Peregrino’, de Luz María Salgueiro e Diego Sanmartín. -
A Constitución Española fará en decembro de 2023 45 anos. O aniversario da Carta Magna adoita xerar múltiples preguntas arredor da súa natureza e vixencia. A mostra 'Escola de Democracia. O proceso cara á Constitución Española de 1978' que pode visitarse no Claustro Alto do Colexio de Fonseca, serve para contextualizar un dos procesos máis relevantes da nosa historia recente. -
O recente e innegable éxito do cinema creado por artistas e cineastas galegos inspirou a organización deste seminario. Un éxito que vén dunha longa tradición de arte e de bo facer diante e detrás das cámaras, xurdidos en terras galegas. Este seminario pretende facer un repaso da Historia do cinema galego, dende os seus inicios ata a actualidade, cunha primeira parte máis académica, centrada na propia Historia, e cunha segunda parte de relato de experiencias. -
Regresa o Ciclo de Cine e Lingua da UVigo cunha edición centrada en películas dirixidas por mulleres
Despois do parón pola pandemia, o Ciclo de Cine e Lingua regresa este outono cunha edición dedicada ás mulleres directoras. E farao nun novo escenario, ao trasladarse esta activdade do edificio Cambón á sede institucional da Universidade no Berbés. Deste xeito, e da man do Vicerreitoría de Extensión Universitaria, ao longo dos meses de novembro e decembro o edificio Redeiras acollerá as proxeccións de cinco películas en versión orixinal con subtítulos en español. -
A reflexión arredor do cambio climático é o eixo sobre o que se asenta a segunda vaga de Faíscas Culturais que botou a andar este martes 7 na Facultade de Ciencias da Comunicación. Baixo o lema 'Narrativas efectivas para comunicar o cambio climático', estudantado, docentes e membros de Rebelión Científica Galicia analizaron diferentes medios e formatos para localizar xeitos eficaces para comunicar o cambio climático e inducir á toma de conciencia e á acción. -
Julio Prada, profesor de Historia Contemporánea e decano da Facultade de Historia do campus de Ourense, conta cunha nova publicación. Trátase do libro El fascismo en Galicia. De los orígenes al Decreto de Unificación, editado polo Centro de Estudios Políticos y Constitucionales, do Ministerio de la Presidencia, Relaciones con las Cortes y Memoria Democrática. Nel preténdese dar resposta a tres preguntas esenciais na historiografía especializada no estudo do fascismo hispánico. -
A sexta edición da Semana da Ciencia do Instituto Galego de Física de Altas Enerxías (IGFAE), centro mixto da USC e da Xunta de Galicia, terá o seu colofón o mércores 15 de novembro ás 20.00 horas, coa conferencia pública de Krishna Rajagopal, catedrático de Física Teórica do Massachussetts Institute of Technology (MIT). Rajagopal, discípulo do premio Nobel de Física 2004, Franz Wilczek, é un referente internacional no estudo da Cromodinámica Cuántica. -
Reliquias é o título da nova exposición que ata o 16 de novembro pode visitarse no Abrigo, a antiga cafetaría da Facultade de Belas Artes da UVigo, reconvertida o pasado curso nun espazo para a organización de exposición ou talleres. Co alumno de doutoramento José Eiras como comisario, esta mostra reúne as creacións dos tamén estudantes de doutoramento da facultade Álex Fuertes e Julio Catalán. -
Un equipo integrado por investigadores da USC, da Fundación para a Investigación do Clima, así como das universidades de Colorado Boulder e de Southern California, acaban de procesar as pegadas de doce millóns de construcións para describir a evolución dos asentamentos humanos en España entre os anos 1900 e 2020. -
O CORNO, a segunda longametraxe da directora e guionista Jaione Camborda, conseguiu superar os 50 mil espectadores na súa terceira semana en cines. Trátase tamén da película española gañadora da Cuncha de Ouro con maior recaudación en salas desde “Os luns ao sol”, de Fernando León de Aranoa, rodada en Vigo e estreada en 2002. O filme, que se estreou o 11 de outubro en versión orixinal galega en toda España, continúa esta semana en 45 salas de cine.
