Notas
-
O documental USC360 é un conxunto de catro pezas sobre a vida universitaria, a cultura, a ciencia, o deporte a historia da Universidade de Santiago gravadas en 360º, o que o converte nun dos primeiros proxectos destas características que se realiza en Galicia. O proxecto pódese ver na web http://novosmedios.gal/usc360/ -
O filme de Oliver Laxe protagoniza nove dos pases da Semana da Crítica, mentres que a nova curta de Alberto Vázquez preséntase na Quincena de Realizadores. A participación galega en Cannes complétase coa actividade comercial de Frida, Fadybug, Numax e Zeitun. -
O web 'Manuel María xornalista' recolle unha parte dos artigos do autor da Terra Chá e ofrece unha visión global da súa biografía, con especial atención á súa vida como xornalista. Esta visión compleméntase cunha galería de imaxes recollida do arquivo da Casa-Museo Manuel María e unha lista de webs salientables sobre o escritor chairego. -
Presentouse a programación do Festival de Cans que do 18 ao 21 de maio congregará nesta aldea do Porriño profesionais dos sectores audiovisual e musical, veciños e afeccionados de toda Galicia. A Consellería de Cultura e Educación volve apoiar economicamente o encontro a través das subvencións da Agadic a festivais audiovisuais. -
O xornalista Miguel Ángel Aguilar recolle o galardón do XII Premio José Couso organizado polo Colexio Profesional de Xornalistas de Galicia (CPXG), o Club de Prensa de Ferrol e a Obra Social la Caixa. O xornalista premiado, Miguel Ángel Aguilar, sostén que “o primeiro compromiso do xornalista ten que ser coa vixencia das liberdades”. -
Os cineastas Ángel Santos, Jaione Camborda e Marcos Flórez traballan cos estudantes nas filmacións coas que culminan os seus talleres para esta iniciativa pedagóxica internacional, que en Galicia se integra no Plan Proxecta. O CGAI proxectará na súa sede da Coruña os catro filmes resultantes nunha sesión especial pública prevista para o 16 de xuño. -
Eu controlo é o título da peza gañadora do III Premio Pegada de Teatro Radiofónico promovido pola ESAD e Agadic. A directora do CDG, Fefa Noia, fíxolle entrega do galardón no transcurso da xornada de actividades coa que a Escola Superior de Arte Dramática celebra os días mundiais do teatro e da danza en Galicia. -
O veterano xornalista Miguel Ángel Aguilar foi proclamado gañador da XII Edición do Premio José Couso de Liberdade de Prensa que, un ano máis, organizan o Colexio Profesional de Xornalistas de Galicia (CPXG), o Club de Prensa de Ferrol e a Obra Social ‘la Caixa’. O fallo deuse a coñecer na sede de la Caixa na Coruña, nun acto que contou coa intervención telefónica do premiado. -
Lobos sucios abre este programa especial no Cine Gaumont como parte da programación da Xunta para a 42ª Feira do Libro de Bos Aires. Proxéctanse tamén As altas presións, A esmorga, Maimiño, Inevitable, Holy Night, Os fenómenos, Arraianos, A praia dos afogados, No Cow on the Ice, O ouro do tempo, A árbore magnética e A cicatriz branca. -
A través desta adxudicación apóiase o labor de difusión destes seis certames en xéneros e formatos como o documental, as curtametraxes, o cinema independente ou o fantástico. Esta liña de axudas dotouse con 105.000 euros, incrementando nun 16% o seu orzamento respecto á anterior convocatoria.
