Notas
-
Nenos a partir de 8 anos poden participar o sábado 17 e o domingo 18 de xaneiro no obradoiro "Sons de película", no que se recrean escenas míticas de películas para axudarlles a descubrir a maxia do cine. A actividade, promovida por Cultura e Educación, celébrase na Cidade da Cultura de Galicia, no monte Gaiás de Compostela.
-
Agadic revalida a dotación de 90.000 euros para esta liña de axuda creada en 2014 para garantir a transparencia no seu apoio económico aos certames, semanas e mostras audiovisuais que se celebran en Galicia, como o Play-Doc de Tui, o de curtametraxes de Cans, a Mostra de Cinema Periférico S-8 da Coruña, Curtocircuíto e Amal.
-
As axudas ao sector audiovisual, de 2,53 millóns de euros en 2014, apoian os filmes de Vía Láctea Filmes, Zenit Televisión, Frida Films, Zeitun Films, Xamalú Filmes, Zircozine, Editora OQO, Portocabo TV, Amanita Films, Formato, Producións A Fonsagrada, Alfonso Vázquez Cortizo e Sun Lúa.
-
A Xunta de Galicia, a través da Secretaría Xeral de Medios adxudicou máis de 200 subvencións para a adquisición de equipamentos para a recepción da TDT a través do satélite, para familias sen cobertura que vivan nas zonas a revitalizar do Programa de Desenvolvemento Rural Sostible en Galicia, no exercicio 2014, acadando un investimento subvencionado total de 59.795,67 euros. -
A presidenta de Galicia Calidade, Sol Vázquez Abeal, defendeu hoxe que a marca Galicia Calidade é “o mellor pasaporte” das empresas galegas, xa que representa o “ADN galego dos produtos e servizos e o compromiso coa calidade”. Esta nova estratexia pretende conseguir que “pouco a pouco, os consumidores e usuarios identifiquen que Galicia é igual a Calidade”, xa que esta aposta “é o mellor xeito de acceder aos mercados máis competitivos e esixentes”. -
A Asociación PuntoGal presentou esta mañá na Escola de Enxeñaría de Telecomunicación de Vigo a Fase Aberta do dominio .GAL. Despois das fases previas e con cerca de 1000 dominios, o día 2 de decembro ábrese o dominio sen ningún tipo de restrición a toda a cidadanía. Ese día estarán activos todos os dominios solicitados nas fases Abrente e Carreira que cumpran coas esixencias establecidas. -
O CGAI proxecta ata o 20 de decembro unha escolma de títulos representativos do período 1989-2014, xunto cunha serie de producións pioneiras dos anos anteriores, como parte da homenaxea á historia recente do audiovisual de Galicia desde a estrea en novembro de 1989 das longametraxes Sempre Xonxa, Continental e Urxa. -
O libro e a lectura nos medios é o tema central da undécima edición deste foro de reflexión, que se desenvolve ao longo no Consello da Cultura Galega, en Santiago de Compostela. Na xornada promovida pola Asociación Galega de Editores, destacouse o papel dos medios de comunicación na implicación social en torno á lectura. -
Formato Producciones adapta como película para TV a novela da escritora lucense Marta Rivera de la Cruz: Hotel Almirante. Agadic, que contribúe con máis de 200.000 euros de cartos públicos, visitou a rodaxe da miniserie dirixida por Antonio Cuadri, e que conta coa interpretación dos galegos Mariana Expósito e Antonio Mourelos, entre outros. -
Unha aproximación audiovisual á arquitectura. Así define o CGAI o ciclo retrospectivo que adica ao cineasta alemán Heinz Emigholz no que ofrece integramente a serie de retratos de arquitectos "Architecture as Autobiography" e as súas últimas fitas, nas que reflexiona sobre o modernismo arquitectónico. As 9 proxeccións complétanse con coloquios con arquitectos galegos.
