Notas
-
Logo de 30 anos de cinema en Santiago, o festival Cineuropa chega un ano máis á cidade e faino con algunhas novidades. Entre as destacadas, figura a selección dun Xurado Novo que comporán mozos e mozas de entre 18 e 25 anos. A organización do festival abre a convocatoria para seleccionar aos integrantes e admite candidaturas ata o 30 de outubro.
-
As terceiras xornadas de novas narrativas celebraranse o xoves 19 e o venres 20 de outubro no Centro de Estudos Avanzados e na Casa de Europa da USC. A finalidade é ofrecer unha visión ampla do fenómeno transmedia e das novas narrativas que xorden arredor dos conceptos clásicos de adaptación e intermedialidade. -
Ballerina proxéctase o 15 de outubro como arranque desta programación, que se estende ata o 25 de novembro con 100 años de perdón, Migas de pan, Sicixia e María (y los demás). O ciclo insírese no programa de actividades musicais, escénicas e audiovisuais promovidas a través dun protocolo de colaboración entre a Consellería de Cultura e Educación da Xunta de Galicia e a Fundación Pazo de Mos. -
O 22º Festival de Cine Internacional de Ourense conta co apoio da Agadic e da Secretaría Xeral de Política Lingüística en accións de promoción do sector como o III Encontro de Coprodución Portugal-Galicia ou o I Foro de Postprodución Áncora. Celebrarase do 20 ao 27 de outubro arredor de seccións competitivas con 65 filmes. -
Rosa María Calaf e José Luis Rodríguez-Arias Palomo participan na Xornada Información e Sufrimento Humano Informa_Dor que se celebra o martes 3 de outubro no Auditorio da Facultade de Ciencias da Comunicación en Santiago de Compostela a partir das 10:00 horas. Na xornada, organizada polo Colexio Profesional de Xornalistas de Galicia e o Colexio Oficial de Psicoloxía de Galicia, presentaranse tamén as Recomendacións profesionais sobre información e sufrimento humano redactadas polos dous órganos colexiais. -
Os máis de 1.000 espectadores que asistiron ás proxeccións da Sección Oficial, puideron dar o seu voto a cada unha das películas a concurso exhibidas (puntuación de 0 a 3), sendo a gañadora Bajo la Rosa. Máis de 4.000 persoas asistiron ás proxeccións no Auditorio Gustavo Freire e outras 1.500 as que asistiron ao resto de salas da 39ª SICA de Lugo. -
Organizadores da Semana de Cine de Lugo aplican a ironía para "agradecer" á Consellería de Cultura da Xunta, a través de Agadic, o seu apoio á Semana de Cine... de Ourense, en detrimento do evento lucense, o máis antigo de Galicia.
-
A Xunta de Galicia apoia o Festival Curtocircuíto 2017 na súa edición máis interdisciplinaria que inclúe o novidoso apartado Arredor do son, que se incorpora ao programa formativo Galicia ProFilme. Curtametraxes dos cinco continentes competirán polos distintos premios do festival, que se desenvolverá do 1 ao 8 de outubro en varios espazos da cidade. -
O centenario do actor coruñés conmemórase cun ciclo dunha vintena das súas películas máis representativas programadas como apertura da temporada 2017-2018. A filmoteca celebra os 60 anos da Nouvelle vague francesa facendo un repaso a toda a historia da filmografía gala, con clásicos dos anos vinte aos nosos días. -
Carla Simón presenta a súa ópera prima, Estiu 1993, en dúas sesións o xoves día 14 de setembro, ás 18 e ás 20,30 horas, como apertura da nova temporada 2017-2018 no CGAI. Os premiados na última edición de Novos Cinemas, a cantautora Silvia Penide e o centenario de Fernando Rey marcan tamén o inicio do curso.
