Notas
-
Carla Simón presenta a súa ópera prima, Estiu 1993, en dúas sesións o xoves día 14 de setembro, ás 18 e ás 20,30 horas, como apertura da nova temporada 2017-2018 no CGAI. Os premiados na última edición de Novos Cinemas, a cantautora Silvia Penide e o centenario de Fernando Rey marcan tamén o inicio do curso. -
O primeiro filme galego-cubano de animación poderase gozar o 6 de setembro ás 22:00h no campo da festa. A fita conta a historia dun pequeno labrego que quere sacar a súa familia da pobreza. Trata dnha praga de insectos que estragan a colleita do campo no que vive e mais o encontro co espello máxico da media laranxa don os sucesos que o levarán á aventura. -
O xoves 31 de agosto a praza da Quintana acollerá a segunda Noite Curta que servirá para despedir o mes de agosto. Unha sesión gratuíta ao aire libre que dará comezo ás 22.00 horas. Os títulos que compoñen a escolma realizada polos programadores de Curtocircuíto - Festival Internacional de Cine, contarán con representación galega, da man do cineasta coruñés Alberto Vázquez o do lucense Adrián Canoura. -
A nova edición da campaña Dálle luz á túa factura, unha iniciativa que busca achegar aos consumidores galegos consellos útiles para reducir o gasto en electricidade, bota a andar por cuarto ano consecutivo. O obxectivo desta campaña divulgativa é dar a coñecer as principais recomendacións para aforrar no consumo de luz e facilitar a comprensión da factura eléctrica. -
Este luns celebrouse a inauguración da XX edición de Viñetas desde o Atlántico, que terá lugar na cidade ate o día 13 de agosto. Nun acto no Kiosco Alfonso, no que estivo presente o director do evento, Miguelanxo Prado, a vicepresidenta da Deputación da Coruña, Goretti Sanmartín e o concelleiro de Culturas, José Manuel Sande, o rexedor destacou que “Viñetas deste o Atlántico forma xa parte dos símbolos que nos definen e identifican como cidade”. -
A editora da revista LUZES vén de publicar dous novos libros, Novos episodios galegos, de Manuel Rivas e Diario dun repunante, de Xosé Manuel Pereiro, que os autores presentarán na carpa da Federación de Libreiros de Galicia, nun acto denominado “Luzes contra a extinción do xornalismo. Homenaxe aos periodistas democráticos, de Víctor Casas a Luís Pita”. -
Durante xullo e agosto proxectaranse as (co)producións galegas “A praia dos afogados”, “Maimiño” e “9 ondas”. O secretario xeral de Política Lingüística e a concelleira de Educación, Cultura e Mocidade de Sanxenxo presentaron o programa de cinema de verán da Consellería de Cultura. -
O conselleiro de Cultura e Educación reuniuse cos responsables do Clúster Audiovisual Galego, da Asociación Galega de Produtoras Independentes, da Asociación Galega de Empresas do Audiovisual (AEGA) e da Asociación Galega de Guionistas para anunciarlles as datas e iniciar a organización da nova edición deste mercado televisivo. -
A Consellería de Cultura, Educación e Ordenación Universitaria e o Instituto Nacional de Cine y Artes Audiovisuales de Argentina (INCAA) fixan no memorándum impulsar xuntos a creación de películas e series entre ambos os dous territorios, como parte do acordo de coprodución audiovisual asinado no marco de Conecta Fiction.
-
A Semana Internacional de Cine de Autor de Lugo, na súa edición número XXXIX vaise celebrar en Lugo do 18 ao 23 de setembro, organizada polo Grupo Fotocinematográfico Fonmiña, e co apoio da Deputación Provincial de Lugo, Concello de Lugo e Vicerreitoría de Lugo da Universidade de Compostela (USC).
